JOSEBA GOTZON. "40"

JOSEBA GOTZON 1984an hasi zen bere ibilbide diskografikoa “Gau Hotza“ lehen
singlea Akelarre taldearekin grabatuz. Ordutik, 20 lan argitaratu ditu bakarlari bezala
eta 3 elkarlanean, euskal artistarik oparoenetako bat izanik.
Bere diskografia ezberdina da oso, hainbat musika estilotako konposizioak eginez: hala
nola folka, reggaea, jazza, bossa nova, boleroa, fadoa edo klasikoa. Hala ere, bere
diskografia gehiena pop inguruan koka dezakegu, batzuetan rockerantz eta beste
batzuetan pop komertzialerantz.

2000. urtetik aurrera, bere ibilbide artistikoa Euskal Herritik kanpo garatzen du batez
      ere. Bere musika gehien kanporatu duen euskal kantautoreetako bat da. Bira ugari
      egin ditu Espainiako estatu osoan, bereziki Katalunian, Txilen, Uruguain, Brasilen,
      Paraguain, Mexikon, Kuban, Venezuelan, Georgian, Italian edo Portugalen, baina,
      batipat, Argentinan, non hamabi bira egin dituen. Nazioarteko bira hauei esker, herri
      batzurekin oso harreman estuak euki ditu eta Lleidako La Floresta herriak urrezko
      intsignia eman zion.
      40 urte hauetaz zehar hainbat artista, musikari eta abesbatzarekin kolaboratu du. Niko
      Etxart, Gontzal Mendibil, Josep Teró, Xoán Curiel, Tontxu, Argentina, Aurora Beltrán,
      Javier Bergia, María Blanco, Angel Petisme, Lur Maitea otxotea edo Chema Puente
      ravelista kantabriarra; Argentinako Eli Gigena, Angel Oscar Gilés edota Mariano
      Manzanelli musikariak; Noel Abella Aiscar zellista uruguaitarra eta abar luze bat.
      JOSEBA GOTZON lau hamarkada hauek ospatzeko “40 sinfonikoa” izeneko bira
      artistikoa prestatzen ari da munduko orkestra sinfoniko ezberdinekin. Bira honetako
      errepertorioan dagoeneko grabatutako abesti batzuk eramango ditu: “Loreak bidali
      nizkizun” (Botere Zalantzakoak, 1987), “Bihotza ezin da erosi” (Nortasuna, 1999)
      “Maitasun sonetoa” (Fotopoemak, 2003), “Aquest ulls” eta “No m’interessa” (Lau
      hormen artean, 2012) edo “Urrundik” (2021, besteak beste. Eta kantu ineditoak ere
      abestuko ditu: “Sueños caducados” (2017), “21 razones” (2020), eta 2022an eginiko
      “Siéntete admirable”, “Ezer ez da berdina” edo “Sua” izeneko abestiak.
      Lan sinfoniko hau prestatzen duen bitartean, “40” izeneko bira egingo du aurten. Bira
      akustiko honetan JOSEBA GOTZON hainbat kantu abestuko du bere disko gehienean
      grabatutakoak. Errepertorio hau 75 – 90 minututakoa izango da ta multimediarekin
      batera egin dezake non 40 urte hauetako irudi asko ikus daitezken.

Sarrerak: 8€

Erreserbak: 679441801